Баулы районында урак алдынгысы бүләкләнде
Басуларда комбайннар гөрли. Районда бөртекле культураларны урып-җыю ахырына якынлаша. Традиция буенча һәр атнада алдынгы комбайнчыларны бүләкләү дәвам итә. Бүген исә Баулы муниципаль районы башлыгы Рамил Гатиятуллин һәм авыл хуҗалыгы һәм азык-төлек идарәсе начальнигы Фәрит Кыямов "Бәкер" хуҗалыгы комбайнчылары белән очрашты. Бу юлы алдынгылар рәтендә барган Илназ Гыйльманов бүләкләнде.
